Aðgerðum vegna ammoníaksleka lokið

Aðgerðum slökkviliðsins á höfuðborgarsvæðinu vegna ammoníaklekans í Skútuvogi, er lokið. Þá er búið að opna fyrir umferð inn í hverfið en, þar var lokað á meðan slökkviliðið athafnaði sig í morgun.

300 starfsmönnum Vodafone var gert að yfirgefa húsnæði símafyrirtækisins en ammoníaklekinn reyndist vera í hylki sem var í gámi í næsta húsnæði við Vodafone.

Slökkviliðið vinnur nú að hreinsun á vettvanginum en óhætt er að vera á svæðinu samkvæmt upplýsingum frá varðstjóra slökkviliðsins.