Albert Einstein mættur á internetið

Fræðimenn við háskólann í Jerúsalem hafa lokið skráningu rúmlega 80.000 skjala frá vísindamanninum Albert Einstein. Gögnin verða öllum aðgengileg á heimasíðu háskólans.

Vefsíðan var opnuð í vikunni og verður gögnunum dælt inn á hana á næstu mánuðum.

Á meðal þeirra gagna sem skjalaverðirnir hafa nú fært yfir á stafrænt form eru handrit að vísindalegum rannsóknum Einsteins, bréfaskrif hans og hugleiðingar.

Einstein, sem lést 76 ára að aldri, ánafnaði háskólanum í Jerúsalem öll gögn sín. Hann vonaðist til að þar fengi fólk aðgang að gögnunum.

Í fyrstu verða aðeins 2.000 skjöl sett inn á vefsíðuna. Á næstu mánuðum verður þeim síðan aukið í 30.000 og loks 80.000 á næstu árum.

Á meðal þeirra skjala sem sett verða inn á vefsíðuna eru afstæðiskenning Einstein frá árinu 1916 ásamt handriti hans að formúlunni víðfrægu E = mc2 á síðunni.

Hægt er að nálgast vefsíðuna hér.