Gengu blysför í kringum Grænavatn

Talsverður fjöldi fólks mætti til blysfarar í kringum Grænavatn í Krýsuvík í gær. Blysförin var farin í tilefni þess að hundrað ár voru í gær liðin frá fæðingardegi Sigurðar Þórarinssonar jarðfræðings.

Nokkur félög og samtök sem tengjast náttúruvísindum, náttúruvernd og útiveru efndu til blysfararinnar. Með henni vildu þau heiðra frumkvæði Sigurðar í náttúruverndarmálum en hann hélt tímamótaerindi árið 1949 þar sem hann hvatti til þess að sett yrði náttúruverndarlöggjöf hér á landi. - þeb