Íslendingar eru ekki lengur meðal hamingjusömustu þjóða heimsins að því er fram kemur í nýrri skýrslu í Bandaríkjunum um málið.
Danir eru hamingjusamasta þjóð í heimi samkvæmt skýrslunni sem unnin var af þremur hagfræðingum í Bandaríkjunum. Raunar eru allar Norðurlandaþjóðirnar, fyrir utan Ísland, í topp tíu sætunum hvað hamingju varðar. Ísland er hinsvegar í 20. sæti á listanum. Á árunum fyrir hrun var Ísland hinsvegar oftast í einu af efstu sætunum á sambærilegum listum.
Hvað Norðurlandaþjóðirnar varðar eru Finnar í öðru sæti, Norðmenn í því þriðja og Svíar í sjöunda sæti á listanum. Næst á eftir Norðmönnum koma Hollendingar og Kanadamenn. Minnsta hamingjan er hinsvegar í Togo en þar á eftir koma Benin, Sierra Leone og Burundi.
Fram kemur í skýrslunni að hagvöxtur er ekki lykilþáttur þegar kemur að hamingju þjóða. Einstaklingsfrelsi og traust á stjórnvöldum eru hinsvegar ráðandi þættir í því sambandi.
Íslendingar ekki lengur í hópi hamingjusömustu þjóðanna
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
