Úlfar með eina bestu matreiðslubók heims

Matreiðslubókin Stóra bókin um villibráð eftir Úlfar Finnbjörnsson, matreiðslumeistara sem bókaútgáfan Salka gefur út, var meðal þeirra bóka sem lentu í efstu sætum Gourmand-verðlaunanna þegar þau voru tilkynnt í gærkvöldi.

Verðlaunin eru þau virtustu í heiminum á sviði matar- og vínbóka.

Það var Patagonia Cuisines (Gourmet Patagonia) sem bar naumlega sigur úr býtum, samkvæmt tilkynningu frá Sölku forlaginu.

Alls voru sendar inn bækur frá um 162 löndum í keppnina og því hörð samkeppni. Er því ljóst að hér er um glæsilegan árangur að ræða.

Glæsilegar ljósmyndir eftir Karl Petersson prýða bókina og teikningar eru eftir Jón Baldur Hlíðberg.