Við erum blönk!

Fyrrverandi raunveruleikastjörnurnar og elskhugarnir Heidi Montag og Spencer Pratt hafa munað fífil sinn fegurri.

Þau voru stjörnur í þættinum The Hills og græddu á tá og fingri. Nú er hins vegar annað uppi á teningnum. Þau þurfa að spara við sig í öllu og eru flutt inn til foreldra Spencers.

"Ég hef aldrei talið þannig að ég veit ekki hvað við töpuðum miklu. Rúmlega milljón dollurum eða svo," segir Heidi sem sér eftir því að hafa ekki sparað.

"Ég sakna ekki raunveruleikaþáttanna, ég sakna bara peninganna. Það hefði verið betra ef við hefðum sparað peningana okkar."