Nýbakaður pabbi bregður á leik

Söngvarinn Robbie Williams á eins mánaðar gamla dóttur en það stoppaði hann ekki í ærslalátum þegar hann kom fram í ítalska X Factor á fimmtudaginn.

Robbie brá á leik með hávöxnum, ofurmjóum dansara sem klæddist engu öðru en dökkum sólgleraugum, svörtum hælum og húðlituðum g-streng. Dansarinn huldi það allra heilagasta með höndunum á meðan Robbie flaðraði upp um hann.

Robbie hefur greinilega engu gleymt síðan hann sló fyrst í gegn með strákabandinu Take That.

Robbie var ekki bara í Mílanó til að koma fram í X Factor heldur líka til að kynna herralínu sína Farrell í lúxusversluninni Coin í borginni.

Robbie er giftur Aydu Field en þau buðu dóttur sína, Theodoru Rose velkomna í heiminn þann 18. september síðastliðinn.