Jarðaberjasprengjur á áramótunum

Brynja Björk Garðarsdóttir deilir hér dásamlegum eftirrétti sem er tilvalinn í áramóta- eða nýársveisluna. Rétturinn er einfaldur og góður en líka ferskur og dísætur eins og eftirréttir eiga að vera.



Jarðarberjasprengjur

500 grömm jarðarber

2 tsk. vanillusykur

2 tsk. trönuberjasafi

500 ml þeyttur rjómi

1 marengsbotn

Skerið jarðarberin í litla bita og blandið saman við vanillusykurinn.

Látið bíða meðan rjóminn er þeyttur. Myljið gróflega marengsbotninn og blandið varlega saman við rjómann og loks jarðarberjablönduna.

Berið fram í glösum eða skálum á fæti með nokkrum jarðarberjum á toppnum.