Afhjúpar megrunarleyndarmálin

Kynbomban Megan Fox er komin í dúndurform aðeins nokkrum vikum eftir að hún eignaðist soninn Noah. Noah kom í heiminn í september á þessu ári en Megan segist nánast ekkert hafa farið í ræktina síðan.

"Ég æfi ekki mikið út af því að það er erfitt að reyna á sig eftir að maður eignast barn. Ég mæli ekki með því," segir Megan. Hún breytti því mataræðinu.

"Ég borða ekki mjókurvörur, það er mitt stærsta leyndarmál. Borðaðu mjólkurvörur ef þú vilt þyngjast. Ekki borða þær ef þú vilt ekki þyngjast," segir stúlkan.

Megan þyngdist aðeins um tíu kíló á meðgöngunni og segist enn eiga eftir að losna við fjögur.

"Ég vil ekki drepa mig á því að komast aftur í form því það er ekki í forgangi núna."

Þú gætir unnið - vertu með okkur á Facebook.