X Factor-stjarna í það heilaga

X Factor-kynnirinn Mario Lopez kvæntist kærustu sinni til fjögurra ára, Courtney Mazza, við fallega athöfn á laugardaginn.

Brúðkaupið var tekið upp á myndband og verður sjónvarpað næstu helgi á sjónvarpsstöðinni TLC. Blómastúlkan Gia, tveggja ára dóttir parsins, stal algjörlega senunni og var klædd í kjól í stíl við kjól móður sinnar.

Mario og Courtney kynntust þegar þau léku saman í A Chorus Line á Broadway en Mario fór á skeljarnar í Mexíkó í janúar á þessu ári.

Þetta er fyrsta hjónaband Courtney en Mario giftist fyrirsætunni Ali Landry árið 2004. Það hjónaband var ógilt tveimur vikum seinna.

Þú gætir unnið - vertu með okkur á Facebook.