Gjörsamlega búin á því

Raunveruleikastjarnan og leikkonan, Tori Spelling á miklu barnaláni að fagna en það hefur svo sannarlega tekið sinn toll af henni enda búin að fæða fjögur börn á aðeins fimm árum.

Fjórða og síðasta meðganga Spelling gekk illa en hún þjáðist af innvortis blæðingum allt frá tuttugustu viku sem kom henni og barninu í lífshættu. Allt fór þó vel að lokum og heilbrigður sonur kom í heiminn í haust.

Spelling lét hafa það eftir sér að það erfiðasta við spítaladvölina á meðgöngunni hefði verið að vita af börnun sínum þremur heima en þau eru fimm, fjögurra og eins árs.

Eins og sjá má á meðfylgjandi myndum er stjarnan þreytt og tekin enda ekki nema von eftir þessa raun.