Dulbúin og ástfangin á ný

Twilight-stjörnurnar Robert Pattinson og Kristen Stewart mættu grímuklædd í hrekkjavökupartí í vikunni og héldust í hendur. Þau eru víst að reyna að laga samband sitt eftir að upp komst að Kristen hélt framhjá Robert með leikstjóranum Rubert Sanders.

Þau létu vera að gera meira en að haldast í hendur en þau voru dugleg við að forðast það að vera mynduð saman. Þau eyddu heldur ekki miklum tíma eða peningum í hrekkjavökubúninga. Þau klæddust í sín hversdagsföt og báru ansi skuggalegar grímur.

Robert og Kristen hafa sést mikið saman upp á síðkastið og svo virðist sem samband þeirra sé á réttri leið.