Idol-brúðkaup í uppsiglingu

Idol-stjarnan Ace Young stal senunni í úrslitaþætti elleftu seríu af raunveruleikaþættinum American Idol þegar hann bað annarrar Idol-stjörnu, Diönu DeGarmo.

Nú er parið í óðaönn að skipuleggja brúðkaup en stóri dagurinn verður haldinn hátíðlegur þann 1. júní á næsta ári.

"Brúðkaupið verður í Los Angeles og við erum að spá í að hafa það úti. Við erum hippar og elskum að vera úti. Ég ólst upp í Suðurríkjunum við að veiða og Ace elskar fjallaíþróttir," segir Diana.

Diana og Ace eru að skrifa plötu saman sem mun spila stóran þátt í brúðkaupinu. Þau ætla að bjóða 200 til 400 gestum og á listanum eru meðal annars Ryan Seacrest og Dee Snyder.

Brúðarkjóllinn verður heldur ekkert slor.

"Ég var heppin að finna kjól mjög fljótt. Ég var með hugmynd um það sem ég vildi og fékk það," segir Diana en hönnuður kjólsins er Sareh Nouri.