Ég fékk ekki að sjá Daniel nakinn

Nýja Bond-stúlkan Bérénice Marlohe er í sjöunda himni með hlutverkið í nýjustu Bond-myndinni Skyfall. Hún saknaði þó eins í tökunum.

"Ég fékk því miður ekki að sjá Daniel Craig nakinn," segir Bérénice í viðtali við nóvemberhefti tímaritsins Maxim. Hún segist þó hafa verið með stjörnur í augunum nánast upp á hvern einasta dag.

"Handritið er frábært. Ég held að það hafi aldrei verið svona gott leikaralið í Bond-mynd. Leikarar á borð við Ralph Fiennes, Daniel Craig, Javier Bardem, Judi Dench…og Bérénice Marlohe."