Tvítugir fíkniefnasalar handteknir

Tvítugur karlmaður var handtekinn á dögunum vegna gruns um dreifingu og sölu fíkniefna. Á heimili hans fundust að auki fimm grömm af kókaíni og tæplega 10 grömm af kannabisefnum. Á meðan leitinni stóð kom félagi mannsins, sem einnig er á tvítugsaldri, á staðinn og reyndist hann einnig vera selja kannabisefni, en á honum fundust 50 grömm af kannabisefnum.

Þá var þriðji karlmaðurinn á tvítugsaldri handtekinn vegna gruns um sölu kannabis við framhaldsskóla en við leit á honum í bifreið hans fundust alls tæplega 50 af kannabisefnum í söluumbúðum.

Lögreglan lagði einnig hald á töluverða fjármuni sem taldir eru ágóði af fíkniefnasölu.

Í morgun var síðan karlmaður á fimmtugsaldri handtekinn í austurborginni og fundust um 10 grömm af amfetamíni við leit á heimili hans.