Engir smalar á ferð á Norðurlandi

Smalar á Norðurlandi hafa ekki lent í vandræðum í dag vegna veðurs samkvæmt upplýsingum frá Bændasamtökum Íslands. Ástæðan er einfaldlega sú að þeir eru ekki á ferðinni sem stendur.

Leitarmenn á Suðurlandi geta ekkert smalað í dag vega fárviðris á svæðinu eins og greint var frá fyrr í dag. Þeir bíða rokið af sér í leitarmannakofum uppi á afréttum.

Þó veðrið sé síst betra á Norðurlandi hefur ekkert spurst af leitarmönnum sem húka í kofum og bíða af sér veðrið. Ólafur Dýrmundsson, ráðunautur bjá Bændasamtökunum, telur að ekki séu neinir leitarmenn að leita akkurat núna á Norðurlandi. Um síðustu helgi var réttað víða fyrir norðan og leitarmenn sluppu vel fyrir þær réttir. Einnig verður réttað um næstu helgi eða næstkomandi mánudag á einhverjum stöðum en Ólafur telur að fyrir þær réttir verði að mestu leyti farið í stuttar göngur. Því séu leitarmenn ekki enn lagðir af stað.

Af þessu leiðir að leitarmenn hvergi eru að lenda í ógöngum vegna veðurs á norðurlandi eins og stendur. „Þetta er alla vega það sem við höldum núna," bætir Ólafur við.