Lýst eftir gulum bát

Lögreglan lýsir eftir gulum hraðbát. Bátnum var stolið af bílastæði við Faxafen í Reykjavík í nótt sem leið. Báturinn er 3-4 metrar að lengd og u.þ.b. 1,5 metrar á breidd. Botninn er grámálaður að innverðu, gler dökklitað og mælaborð leðurklætt í svörtum lit. Hann var á bátavagni með bláum brettum.

Þeir sem geta gefið upplýsingar um hvar báturinn er niðurkominn eru vinsamlegast beðnir um að hafa samband við lögregluna í síma 444-1000 eða senda tölvupóst á netfangið abending@lrh.is