Forsetinn sendi Hollande heillaóskir

Ólafur Ragnar Grímsson, forseti Íslands, sendi í morgun François Hollande, nýkjörnum forseta Frakklands, heillaóskir og kveðjur frá íslensku þjóðinni í tilefni af sögulegum sigri. Í kveðjunni áréttar forseti að samvinna Íslendinga og Frakka eigi sér djúpar sögulegar rætur; frönsk menning, listir og vísindi hafi haft ríkuleg áhrif á íslenskan samtíma.

Á vettvangi Evrópu og Atlantshafsbandalagsins hafi löndin lengi átt farsælt samstarf og fjölmörg brýn verkefni blasi við, svo sem á sviði loftslagsbreytinga og umbyltinga í þágu hreinnar orku.