Óreyndur skógarhöggsmaður misreiknaði sig

Óreyndur skógarhöggsmaður misreiknaði sig þegar hann reyndi að fella risavaxið barrtré í garði sínum. Tréð féll á húsið hans og til að bæta gráu ofan á svart náðist atvikið á myndband og var sett á vefsíðuna YouTube.

Maðurinn hafði áhyggjur af því að tréð myndi falla á húsið. Hann leitaði þó ekki til atvinnumanna heldur ákvað hann að fella tréð sjálfur.

Hann virðist þó hafa misskilið grunnlögmál þyngdaraflsins.

Maðurinn slær fjórum fleygum í tréð. Stuttu seinna marrar tréð og hrynur loks á hús mannsins.

Augnabliks þögn fylgir. „Húsið mitt," segir maðurinn síðan. „Svefnherbergið mitt."