Forsetinn launahæstur

Forseti Íslands er launahæstur þeirra sem heyra undir kjararáð. Hann er með 1916 þúsund krónur í mánaðalaun. Launalægstur þeirra sem heyra undir ráðið er aftur á móti forstöðumaður Listasafns Einars Jónssonar. Sá er með 458 þúsund krónur í mánaðalaun. Þetta kemur fram í svari Oddnýar Harðardóttur fjármálaráðherra við fyrirspurn Eyglóar Harðardóttur, þingmanns Framsóknarflokksins, á Alþingi.

Næstlaunahæstir eru hæstaréttadómarar en meðalheildarlaun þeirra eru rúmar 1.230 þúsund krónur. Á eftir þeim koma svo ráðherrar með tæpar 1100 þúsund krónur. Héraðsdómarar eru með 995 þúsund krónur og alþingismenn með tæpar 590 þúsund krónur.