Hollendingurinn fljúgandi reyndist vera gabb

Maður sem birti ótrúlegt myndskeið á vefsíðunni YouTube fyrir stuttu hefur nú viðurkennt að um blekkingu hafi verið að ræða. Myndskeiðið vakti gríðarlega athygli og hafa fjölmiðlar víða um heim fjallað um það.

Myndbandið sýnir Hollendinginn Floris Kaayk hlaupa niður akur með risavaxna plastvængi fasta við hendur sínar. Hann blakar síðan vængjunum ótt og títt og brátt tekst hann á loft.

Í myndbandslýsingunni á YouTube kemur fram að Floris hafi fengið hugmyndina eftir að hann uppgötvaði gamla teikningu af fljúgandi reiðhjóli sem afi hans hafði teiknað.

Nú hefur Floris viðurkennt að myndbandið var blekking. Florist er þekktur kvikmyndagerðarmaður en hann sérhæfis sig í tæknibrellum. Hann sagði myndbandi hafi í raun verið samfélagsleg tilraun. Hann vildi sjá hversu mikla athygli myndbandið fengi áður en hann upplýsti um uppruna þess.

Hægt er að sjá myndbandið hér fyrir ofan.