Maðurinn, sem hefur verið handtekinn vegna morðtilraunar í morgun, var með vélhjól á lánum hjá SP-Fjármögnun. Samkvæmt heimildum fréttastofu kærði Landsbankinn manninn til lögreglu fyrir þjófnað þegar maðurinn hélt því fram að hjólið væri horfið.
Lagastoð hefur sinnt innheimtu fyrir Landsbankann en maðurinn stakk framkvæmdastjóra lögfræðistofunnar margsinnis. Hann er um sextugt og er þungt haldinn. Maðurinn er enn í aðgerð vegna áverka sinna.
Maðurinn réðst á fórnarlamb sitt skömmu fyrir klukkan tíu í morgun. Að sögn Brynjars Níelssonar, sem starfar á sömu lögfræðistofu, virtist sem tilviljunin ein hafi ráðið því að maðurinn hafi ráðist á framkvæmdastjórann en ekki annan starfsmann lögfræðistofunnar.
Það var Guðni Bergsson sem kom fórnarlambinu til bjargar. Hann var stunginn tvívegis í lærið þegar hann yfirbugaði árásarmanninn.
Lögreglan verst frétta af málinu en tæknideild lögreglunnar er að störfum á lögfræðistofunni.
Landsbankinn kærði árásarmanninn til lögreglu fyrir þjófnað
Tengdar fréttir
Starfsmaður lögfræðistofu stunginn - einn handtekinn
Karlmaður var stunginn á lögfræðistofu í Reykjavík í Lágmúla í morgun. Einn maður hefur verið handtekinn samkvæmt heimildum Vísis. Svo virðist sem maðurinn hafi ráðist á starfsmanninn snemma í morgun og stungið hann nokkrum sinnum.
Brynjar Níelsson: Hvaða starfsmaður sem er hefði getað lent í árásinni
"Starfsfólkið er í áfalli,“ sagði Brynjar Níelsson, formaður Lögmannafélags Íslands, en hann starfar á sömu skrifstofu og hnífaárásin átti sér stað í morgun. Hann sagði í samtali við fréttastofu að skrifstofunni verði lokað í dag vegna rannsóknar lögreglu og verður áfram næstu daga.
Guðni hlaut áverka þegar hann reyndi að bjarga manni frá hnífaárás
Guðni Bergsson, lögfræðingur og fyrrverandi landsliðsfyrirliði í knattspyrnu, hlaut skurðáverka þegar hann reyndi að koma samstarfsmanni sínum til bjargar í morgun. Karlmaður stakk manninn ítrekað með hnífi. Guðni var stunginn tvívegis í lærið en árásin átti sér stað skömmu fyrir klukkan tíu í morgun á lögfræðistofunni Lagastoð í Lágmúla.
