Vilja að Ísland dragi sig úr Eurovision

Á stjórnarfundi Ungra vinstri græanna í kvöld var samþykkt ályktun þess efnis að Ísland dragi sig úr Söngvakeppni evrópska sjónvarpsstöðva í ár. Í ályktuninni segir að Ísland eigi að nýta þá fjármuni sem annars færu í keppnina til að efla tónlistarkennslu hér heima fyrir.

Í tilkynningu frá félaginu segir að verið sé að fremja stórfelld mannréttindabrot á íbúum Bakú í Aserbaídjan „ þar sem byggja á höll undir lokakvöld keppninnar og hlýtur það að vekja upp alvarlegar spurningar um hversu verðmæt þátttaka í keppninni er fyrir Íslendinga. Íslendingar eiga ekki að leggja blessun sína yfir mannréttindabrot af neinu tagi."