Fullir menn festu bílana sína

Lögreglan hafði afskipti af ökumönnum sem voru á mótorhjólum á Hvaleyrarvatni laust fyrir klukkan tvö i dag. Búið er að banna akstur mótorhjóla á ísnum og skilti þar að lútandi komin upp. Lögregla fór á vettvang og benti ökumönnum hjólanna á þetta og yfirgáfu þeir svæðið.

Þá voru lögreglumenn kallaðir til þegar bifreið festist í snjóskafli á Dalvegi. Þegar að var gáð vaknaði grunur um að ökumaður væri ölvaður. Hann var færður á lögreglustöð, þar sem málið var afgreitt.

Einnig var bifreið ekið á ljósastaur við Kirkjuvelli í Hafnarfirði í dag. Ökumaður hafði tekið einhverja hluti úr bifreiðinni og farið fótgangandi af vettvangi. Málið er í rannsókn en vitni gáfu sig fram á staðnum. Skemmdir urðu á staurnum og var bifreiðin sjálf færð af vettvangi með kranabifreið.