Tafir á póstútburði vegna óveðurs

Vegna slæmrar færðar um land allt mun verða töf á útburði og útkeyrslu á pósti í dag og næstu daga.

Það er þó mismunandi eftir landssvæðum. Þar sem Hellisheiði hefur verið lokuð síðan seint í gærkvöldi fór áætlunarferð Póstsins Austur á land ekki af stað frá Reykjavík í morgun og því enginn póstur á leið á svæði frá Hveragerði til Egilsstaða.

Á höfuðborgarsvæðinu gengur dreifing hægt fyrir sig en með samstilltu átaki starfsmanna Póstsins mjakast hún þó. Aðstoð íbúa og tillitssemi auðveldar bréfberum að koma póstinum hratt og örugglega til skila, hvernig sem viðrar.

Pósturinn vill vinsamlegast minna landsmenn á að gæta að því að moka tröppur og heimreiðar til auðvelda aðgengi að póstkössum og lúgum.