Hefði mátt koma í veg fyrir árekstra ef sandur eða salt væri á götum

Um 30 árekstrar urðu á höfuðborgarsvæðinu í dag þar sem starfsmenn árekstur.is veittu ökumenn aðstoð á vettvangi. Af þessum rúmlega 30 árekstrum urðu 6 árekstrar í Mosfellsbænum á einungis þremur klukkutímum síðdegis.

Í tilkynningu frá árekstri.is segir að orsök árekstranna megi í fjöldamörgum tilfellum rekja til hálku og ófærðar. „Í þessum tilfellum hefði verið hægt að koma í veg fyrir mikið eignatjón á ökutækjunum ef göturnar hefðu verið salt eða sandbornar."

Þá lenti sami ungi ökumaðurinn í því að lenda í tveimur árekstrum á sama klukkutímanum í dag.