Hundaskítur um allt á Selfossi

Hundaskítur er óvenju áberandi á og meðfram göngustígum á Selfossi, að því er íbúi greinir frá á vefsíðunni DFS.

Hann lýsir því að þegar fjölskyldan fór í göngutúr á milli hverfa í gær, hafi hún átt í fullu fangi með að stikla á milli hundaskítsins, sem var um allt.

Hundahald er leyft á selfossi, en lausaganga bönnuð og auðvitað eiga hundeigendur að þrífa upp eftir hunda sína.

Glöggur lögreglumaður á Selfossi gat sér þess til við fréttastofuna nú í morgunsárið að í veðráttunni undanfarnar vikur hafi skíturinn ekki náð að skolast jafn óðum niður í jarðveginn, heldur safnast upp í snjónum og birtist nú allur í einu eftir hlákuna. Þetta séu því uppsöfnuð lögbrot.