Óvenju blómlegt fuglalíf á Snæfellsnesi

Fuglalíf við norðanvert Snæfellsnes er óvenju blómlegt, samkvæmt nýafstaðinni talningu vetrarfugla.

Á vef Náttúrustofu Vesturlands segir að taldir hafi verið tæplega 29 þúsund fuglar af 39 tegundum og er þetta rakið til mikillar síldargengdar í Breiðafirði, fjórða árið í röð, en margar tegundirnar eru fiskætur.

Annars voru algengustu tegundirnar svartbakur, æðarfugl, hvítmávur, súla og fíll, en þarna sáust líka hátt í þúsund snjótittlingar og 16 hafernir, fleiri en nokkru sinni fyrr.