Tekin með hassköku í Leifsstöð

Lögreglan á Suðurnesjum barst tilkynning um helgina frá tollgæslunni í Flugstöð Leifs Eiríkssonar þess efnis að afskipti hefðu verið höfð af konu sem var að koma til landsins með fíkniefni í fórum sínum.

Við rannsókn kom í ljós að konan var með fimm stykki af sveppate, eina bakaða hassköku og fjórar e-töflur.

Þá tilkynnti tollgæslan um aðra konur sem grunuð var um að hafa fíkniefni í farteskinu. Í ljós kom að hún var með eina e-töflu meðferðis en hún fannst við leit í farangri hennar.

Konurnar eru íslenskar og eru báðar á þrítugsaldri.