Hnökkum stolið á Selfossi

Í nótt var brotist inn í níu hesthús við Norðurtröð á Selfossi. Úr einu húsinu var stolið sex hnökkum. Nánar tiltekið voru það tveir Svarfdælingar, einn Sleipnis, einn Óðins og tveir af óþekktri tegund.

Í fyrstu verður ekki séð að stolið hafi verið úr öðrum hesthúsum. Hins vegar voru unnin eignaspjöll á hurðum, gluggum og fleira. Talið er að verðmæti hnakkanna, sem var stolið, slagi upp í eina og hálfa milljón króna miðað við verð í verslun.

Lögreglan biður alla þá sem veitt geta upplýsingar um óeðlilegar mannaferðir í hesthúsahverfinu í nótt eða búa yfir öðrum upplýsingum um málið að hafa samband við lögreglu í síma 480 1010.