Fjórtán kíló farin

Raunveruleikastjarnan Kourtney Kardashian er búin að ná af sér tæplega fjórtán kílóum af þeim rúmlega tuttugu sem hún bætti á sig þegar hún gekk með dótturina Penelope.

Kourtney eignaðist Penelope þann 8. júlí síðastliðinn en fyrir á hún soninn Mason, sem er tveggja ára, með kærasta sínum Scott Disick. Kourtney segist ekki hafa gert neitt svakalega mikið til að losna við meðgöngukílóin.

"Ég borða hollt þegar ég er heima. Þegar ég var með Mason á brjósti var ég með æði fyrir sætindum og borðaði kassa af nammi á dag. En ég gerði það ekki í þetta sinn."

Kourtney fær sér frekar edamame-baunir og er dugleg að æfa með vinum sínum og systrum.