Árangur handboltalandsliðsins stjórnar afslættinum

Bensínstöðvar ÓB hafa tekið upp á því að láta „strákana okkar" á HM í handbolta í Svíþjóð stjórna því hve mikill afsláttur er gefinn daginn eftir hvern leik íslenska liðsins. Ísland lagði Japan í gær með fjórtán marka mun og í tilefni af því er fjórtán krónu afsláttur af eldsneytinu hjá ÓB í dag fyrir þá sem eru með ÓB lykil. Svo er bara að vona að strákarnir taki Austurríkismenn í bakaríið í kvöld.

Atlantsolía hefur fylgt í kjölfarið og hefur jafnað tilboð ÓB til viðskiptavina með Atlantsolíulykil.