Innlent

Ákærðir fyrir barnaklám

Þrír hafa verið ákærðir fyrir barnaklám. Málin eru ótengd.
Þrír hafa verið ákærðir fyrir barnaklám. Málin eru ótengd.

Ríkissaksóknari hefur ákært þrjá karlmenn fyrir vörslu á barnaklámi. Þeir eru allir ákærðir fyrir Héraðsdómi Reykjavíkur. Fyrsti maðurinn er ákærður fyrir að hafa um nokkurt skeið fram til miðvikudagsins 16. júní 2010, haft í sinni vörslu tvö myndbönd á hörðum diski í turntölvu á heimili sínu, sem sýna börn á kynferðislegan eða klámfenginn hátt.

Annar þremenninganna er ákærður fyrir að hafa fram til fimmtudagsins 7. október 2010, haft í sinni vörslu á Lenovo-fartölvu, eitt myndband og fimm ljósmyndir sem sýna börn á kynferðislegan eða klámfenginn hátt, en myndefnið fannst af tæknimönnum þjónustufyrirtækis eftir að ákærði fór með ofangreinda tölvu í viðgerð.

Þriðji maðurinn er ákærður fyrir að hafa um nokkurt skeið fram til miðvikudagsins 1. september 2010, haft í sinni vörslu á utanáliggjandi hörðum diski á heimili sínu, tvö myndbönd sem sýna börn á kynferðislegan eða klámfenginn hátt.

Þess er krafist að tölvubúnaður ásamt myndefni verði gerður upptækur.- jss





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið