Eiríkur Guðnason borinn til grafar

Eiríkur Guðnason, fyrrverandi seðlabankastjóri, verður borinn til grafar frá Hallgrímskirkju í dag. Hann lést á hjartadeild Landspítalans þann 31. október 2011. Eiríkur starfaði í 40 ár við Seðlabankann, var aðalhagfræðingur, aðstoðarbankastjóri og bankastjóri. Hann var bankastjóri þegar mest gekk á í efnahagslífi Íslendinga á árinu 2008.

Fjölmargir minnast Eiríks í minningargreinum í Morgunblaðinu í dag. Þeirra á meðal eru Davíð Oddsson, Birgir Ísleifur Gunnarsson og Ingimundur Friðriksson sem allir voru bankastjórar með Eiríki. Í grein sinni segir Davíð Oddsson að hann hafi metið hann mest fyrir staðfestu, dugnað og útsjónarsemi.