Sinubruni á Akureyri

Eldur kviknaði í sinu við gömlu brúnna, á milli Borgarbrautar og Lönguhlíðar, á Akureyri um klukkan hálf fjögur í dag.

Samkvæmt upplýsingum frá lögreglu var töluverður eldur á svæðinu og þurfti slökkvilið að nota vatn til að slökkva eldinn - ekki dugaði að kæfa eldinn.

Eldurinn átti upptök sín alveg við gömlu brúnna, sem er núna göngubrú. Varðstjóri hjá lögreglu útilokar ekki að vegfarandi hafi kastað frá sér sígarettu í hugsunarleysi en eldsupptök eru ókunn.

Enginn nálæg hús voru í hættu og ekki er talið að stór grenitré sem eru þarna hafi skemmst mikið.

Mikinn reyk lagði yfir nálægt svæði.