Bjarni: Við höfum rétt úr kútnum

„Frá því að kosið var síðast þá höfum við mjög verulega rétt úr kútnum. Ég finn fyrir því að okkar sjónarmið eru smám saman að ná í gegn. Fólk er farið að finna á eigin skinni að það gengur ekki að fara skattahækkanaleiðina út af þeim þrengingum sem við höfum lent í," segir Bjarni Benediktsson, formaður Sjálfstæðisflokksins.

Rætt var við hann í þættinum Reykjavík síðdegis á Bylgjunni fyrr í dag. Þar var Bjarna meðal annars spurður hvort hann væri farinn að búa sig undir þingkosningar. „Ég get ekki sagt það en við erum alltaf tilbúin að taka því sem höndum ber á hverjum degi og hverri viku í stjórnmálunum. Eins og oft hefur verið sagt er vika langur tími í pólitík. Ég er alls ekki búinn að setja mig í kosningastellingar."

Hægt er að hlusta á viðtalið hér.