Þrettándabrenna á Ásvöllum á morgun

Ákveðið hefur verið að hafa Þrettándagleðina á Ásvöllum á morgun mánudag. Hátíðin hefst kl. 18.00 með gleði, söng og dansi undir stjórn Magga Kjartans og Helgu Möller.

Álfar púkar og tröll verða á staðnum og jólasveinninn kíkir í heimsókn. Hægt verður að kaupa stjörnuljós og kyndla á staðnum ásamt góðum veitingum til dæmis kakó og vöfflur.

Gleðinni lýkur svo klukkan 19.00 með glæsilegri flugeldasýningu.



„Fjölmennum og kveðjum jólin saman," segir í tilkynningu frá Hafnarfjarðarbæ.