Arna ennþá týnd

Arna Sif Þórsdóttir er ennþá týnd. Ekkert hefur sést til hennar síðan á fimmtudaginn síðasta, samkvæmt upplýsingum frá lögreglunni á höfuðborgarsvæðinu. Fjölskylda hennar er orðin mjög uggandi.

Lögreglunni hefur borist fjöldi tilkynninga í kvöld, en þær eru fremur óáreiðanlegar, allar frá fólki sem segist hafa séð Örnu á mánudaginn síðasta og því ekki mikil stoð í þeim.

Arna er grannvaxin, 23 ára, ljóshærð stúlka. Hún er talin íklædd svartri flíspeysu og rauðri peysu þar innan undir.

Þeir sem geta gefið upplýsingar um ferðir Örnu eru beðnir að hafa samband við lögreglu í síma 444-1100.