Pæli ekki í kynþokka

Söngkonan Rihanna var kosin kynþokkafyllsta kona heims af tímaritinu Esquire síðasta fimmtudag. Söngkonunni þykir hún þó ekki vera sérstaklega kynþokkafull.

Rihanna, sem er þekkt fyrir eldheit tónlistarmyndbönd og kynþokkafulla sviðsframkomu, vill ekki gangast við því að hún sé sérstaklega kynþokkafull. „Að tónleikum loknum finnst mér ekki eins og ég hafi verið kynþokkafull. Ég hugsa ekki einu sinni út í það. En ætli fólki finnist ekki ólíkir hlutir kynþokkafullir," sagði hún í nýlegu blaðaviðtali.