Fjórðungur lifir

Hlutfall þeirra sem útskrifast af Landspítala eftir hjartaendurlífgun er með því hæsta sem gerist í heiminum. Frá þessu var greint á Vísindaþingi skurð-, svæfingar- og gjörgæslulækna um síðustu helgi.

„Af þeim sjúklingum sem komust lifandi á Landspítala eftir endurlífgun vegna hjartaáfalls útskrifaðist fjórðungur lifandi,“ segir Brynjólfur Mogensen, yfirlæknir á bráðasviði Landspítala, en árangurinn í öðrum löndum er yfirleitt 10-15 prósent. Meðal þess sem útskýrir góðan árangur er hátt hlutfall grunnendurlífgunar, en í 62 prósentum tilvika var endurlífgun reynd fyrir komu neyðarbíls. - sg / sjá Allt í miðju blaðsins