Sigríður skipuð ríkissaksóknari

Ögmundur Jónasson, innanríkisráðherra, hefur skipað Sigríði J. Friðjónsdóttur vararíkissaksóknara í embætti ríkissaksóknara. Hún tekur við embættinu af Valtý Sigurðssyni.

Í tilkynningu frá Innanríkisráðuneytinu segir að sjö umsóknir hafi borist um embættið en umsóknarfrestur rann út 28. febrúar. „Umsóknirnar hafa verið til meðferðar hjá hæfnisnefnd sem var ráðherra til fulltingis við undirbúning skipunar í embættið og skilaði hún rökstuddu mati á hæfni umsækjenda," segir í tilkynningunni.