Myndbönd af íslensku mörkunum sex

Kolbeinn Sigþórsson skoraði fimm mörk og Jóhann Berg Guðmundsson eitt þegar að AZ Alkmaar vann 6-1 sigur á VVV Venlo í hollensku úrvalsdeildinni í kvöld.

Myndböndin má sjá hér.

Kolbeinn var valinn maður leiksins og sagði í sjónvarpsviðtali eftir leik að það hafi komið honum á óvart að skora fimm mörk í einum og sama leiknum.

„Þetta var frábært. Við spiluðum mjög vel og það var frábært að skora fimm mörk," sagði Kolbeinn.

„Ég vil þakka liðsfélögunum. Þeir stóðu sig mjög vel og sigurinn var ekki bara mér að þakka."

„Ég held að við séum nú búnir að venjast því að spila saman á ný eftir að vetrarhléinu lauk og þessi sigur færði okkur sjálfstraust. Við þurfum að byggja áfram á þessu."

„Þetta var okkar dagur og ætlum við að halda áfram á þessari braut. Markmiðið er að vera í hópi efstu 3-4 liða deildarinnar."

Þess má geta að Kolbeinn skoraði tvö mörk með vinstri fætinum í kvöld, tvo með hægri og eitt með skalla.

Markið sem Kolbeinn skoraði var glæsilegt en hann lyfti boltanum yfir markvörð Venlo á afar snotran máta.