Ofbeldismaður áfram í haldi

Hæstiréttur hefur staðfest framlengingu á gæsluvarðhaldi yfir Andra Vilhelm Guðmundssyni, 24 ára Keflvíkingi sem grunaður er um lífshættulega líkamsárás í Hafnarstræti á nýársnótt.

Fyrir liggur að Andri lenti þar í átökum við annan mann og svo virðist sem hann hafi síðan hrint honum niður steintröppur og því næst sparkað í og traðkað ítrekað á höfði hans. Því neitar Andri þó. Maðurinn var heppinn að sleppa lifandi. Búið er að gefa út ákæru á hendur Andra fyrir sérstaklega hættulega líkamsárás. Hann mun sitja í gæsluvarðhaldi til 4. mars hið minnsta.

Andri var í nóvember dæmdur í tveggja og hálfs árs fangelsi fyrir tvær alvarlegar líkams­árásir og rán. - sh