Reyndu að sviðsetja innbrot í Borgarnesi

Tveir piltar, 17 og 19 ára, reyndu að sviðsetja innbrot í Shellstöðina við Brúartorg í Borgarnes aðfaranótt mánudags.

Þetta kemur fram á vef Skessuhorns.

Annar piltanna var í hlutastarfi í söluskálanum og náði að stela hluta af uppgjörinu á vinnutíma sínum á sunnudagskvöld. Svo um nóttina ætluðu piltarnir tveir að láta líta út sem brotist hefði verið inn í söluskálann.

Það má segja að sú tilraun piltanna hafi mistekist skelfilega því vegfarendur sáu til piltanna og lét lögreglu vita. Lögreglan rakti slóð piltana og handtók þá og yfirheyrði. Lögreglan fann svo peningana og upplýsti málið.

Lögreglan lagði svo hald á neysluskammta af kannabisefnum á heimili annars piltsins sem fíkniefnahundurinn Tíri fann. En þar fundust einnig peningar sem hafði verið stolið, en þeir höfðu verið tryggilega faldir.