Hjólhýsi fauk á hliðina

Hjólhýsi fauk á hliðina í Grafarvogi um hádegisbil í gær. Óhappið átti sér stað á bifreiðastæði við fjölbýlishús en talsvert rok var í borginni þegar þetta gerðist. Samkvæmt upplýsingum frá lögreglunni sakaði engan en hjólhýsið er mikið skemmt.

Tveir voru fluttir á slysadeild eftir harðan, tveggja bíla árekstur á mótum Hverfisgötu og Barónsstígs í Reykjavík í gærkvöld. Meiðsli þeirra voru ekki talin alvarleg og þykir mildi að ekki fór verr. Við áreksturinn fór annar bíllinn á hliðina en bæði ökutækin eru mikið skemmd.