Dæturnar og Willis reið út í Kutcher

Dætur leikkonunnar Demi Moore eru ævareiðar út í stjúpföður sinn, Ashton Kutcher, fyrir að hafa haldið framhjá móður sinni. Rumer, Scout og Tallulah óttast að auki að fleiri hjásvæfur gætu stigið fram í dagsljósið í nánustu framtíð.

Að sögn heimildarmanna eru stúlkurnar ekki þær einu sem eru reiðar út í Kutcher því faðir þeirra, hasarleikarinn Bruce Willis, er það líka. „Stelpurnar eru mjög reiðar Ashton og finnst enn verra að hann hafi sængað hjá stúlku á þeirra aldri. Þær eiga bágt með að trúa því að hann hafi gert fjölskyldunni þetta og enn verra að þær hafi þurft að frétta af þessu í gegnum slúðurmiðla. Bruce hefur ekki látið sitt eftir liggja og hefur veitt Demi og stúlkunum mikinn stuðning,“ sagði heimildarmaður í viðtali við OK! Magazine.