Ríkisstjórnarfundur í fyrsta sinn á Vestfjörðum í dag

Ríkisstjórnarfundur verður haldinn í Edinborgarhúsinu á Ísafirði í dag og verður það í fyrsta skipti sem ríkisstjórninn fundar á Vestfjörðum.

Á fundinum verður sérstaklega fjallað um atvinnumál á Vestjörðum og tillögur ríkisstjórnarinnar til að efla atvinnulíf og byggð á svæðinu.

Ríkisstjórnin mun einnig funda með sveitarstjórnarfólki af svæðinu. Aðilar vinnumarkaðarins, sem nú eiga í viðkvæmum samningaviðræðum með aðkomu ríkisvaldsins, undruðust í gærkvöldi að ríkisstjórnin brygði sér út á land við þessar aðstæður.