Óvanaleg hárgreiðsla

Leikarinn Robert Pattison skartaði óvenjulegri hárgreiðslu á teiknimyndaráðstefnunni Comic Con á dögunum. Pattison mætti ásamt leikaraliði Twilight-myndanna til að kynna næstu mynd í seríunni, The Twilight Saga: Breaking Dawn – Part 1, sem frumsýnd verður í nóvember.

Pattison mætti með hálfan hausinn rakaðan á blaðamannafundinn og skar sig úr hópnum með tætt hárið. Ekki er víst hvort hann þurfti að rjúka úr rakarastólnum eða var að reyna að hefja nýja tískubylgju. Líklegast er þó að greiðsla leikarans tengist starfinu á einhvern hátt.