Kvennakórinn Vox feminae fékk hæsta styrkinn

Menningarsjóður Hlaðvarpans úthlutaði rúmlega 10 milljónum króna til menningarmála kvenna í dag en úthlutunin fór fram í Iðnó. Í þessari fjórðu úthlutun úr sjóðnum voru veittir 19 styrkir en alls bárust yfir 70 umsóknir. Við úthlutun var þess gætt að styrkirnir nýttust sem flestum konum og haft var í huga að sem flest svið menningar njóti stuðnings, líkt og það er orðað í tilkynningu.

Hæsta styrkinn í ár hlaut Kvennakórinn Vox feminae, eina milljón krónur. Vox feminae hlýtur styrkinn til að fela Báru Grímsdóttur tónskáldi að semja hátíðamessu fyrir kvennakór og til að flytja messuna, hljóðrita hana og gefa út á geisladisk.

Aðrar konur og verkefni sem styrki hlutu eru:

• Alma Joensen og Lovísa Arnardóttir fengu styrk til að setja á laggirnar vefsíðu með fréttum úr heimi femínisma og kynjafræða.

• Anna Þorvaldsdóttir tónskáld hlaut styrk til að gefa út geisladisk með tónverkum sínum.

• Annað svið fékk styrk til verkefnisins Guðný, Agnes, Rósa - þó látin sé ástin.

• Bókasafn Dalvíkurbyggðar fékk styrk til að halda málþing og sýningu um Hugrúnu, öðru nafni Filippíu Kristjánsdóttur.

• Bryndís Björgvinsdóttir hlaut styrk til verkefnisins Íslenskt samfélag í spegli hversdagsins.

• Elísabet Brynhildardóttir, Lára Kristín Kristinsdóttir, Selma Hreggviðsdóttir, Perla Dagbjartar Hreggviðsdóttir, Ásta Briem, Lilja Birgisdóttir, Ragnhildur Jóhanns og Þórgunnur Oddsdóttir hlutu styrk til að gefa út tímarit um samtímalist íslenskra kvenna.

• Eva Björk Kaaber, Eva Rún Snorradóttir, Arnþrúður Ingólfsdóttir, Lovísa Elísabet Sigrúnardóttir, Íris Ellenberger og Björg Sveinbjörnsdóttir fengu styrk til verkefnisins Skyndilega greip mig óstjórnleg löngun.

• Hrund Gunnsteinsdóttir, Soffía Guðrún K. Jóhannsdóttir og Hildigunnur Sverrisdóttir fengu styrk til verkefnisins Hverra mamma ert þú?

• Jóhanna Vigdís Guðmundsdóttir hlaut styrk til að vinna að verkefninu Sérherbergi.

• Jórukórinn á Selfossi hlaut styrk til að halda Landsmót íslenskra kvennakóra 2011.

• Kristín Bergþóra Pálsdóttir hlaut styrk til að vinna að heimildamyndinni Brautryðjandinn sem fjallar um Auði Auðuns.

• Kung Fu Films ehf., Helga Rakel Rafnsdóttir og Yrsa Roca Fannberg hlutu styrk til heimildamyndarinnar Mamma Salóme.

• Kvennanefnd Verkfræðingafélags Íslands hlaut styrk til að vinna að verkefninu Þær brutu blað: . Um konur í verkfræði.

• Laufey Sigurðardóttir og Elísabet Waage hlutu styrk til að vinna að verkefninu 4 plús 47

• Lovísa Elísabet Sigrúnardóttir fékk styrk til verkefnisins Hún samdi ljóð, ég samdi lag.

• Nýlistasafnið hlaut styrk til að vinna að verkefninu Listamannarekin sýningarrými á Íslandi - kvennarými.

• Stella, bókaútgáfa hlaut styrk til að vinna að verkefninu Þrjár sögur af vinskap Marilynar Monroe og Gretu Garbo.

• STERK - gegn mansali hlaut styrk til að vinna að verkefninu Ég hugsaði um það þegar ég var yngri en lét aldrei verða af því.

„Verkefnin sem styrk hlutu eru til marks um frjótt og fjölbreytt menningarstarf kvenna á Íslandi og þau sýna jafnframt óbilandi frumkvæði og atorku kvenna," segir í tilkynningu frá sjóðnum.

Úthlutunarnefnd menningarsjóðs Hlaðvarpans skipa: Drífa Snædal, Ragnhildur Richter, Guðrún Erla Geirsdóttir, Hildur Fjóla Antonsdóttir, Þórdís Elva Þorvaldsdóttir og Hrefna Haraldsdóttir.