Mikið slasaður eftir bílveltu

Karlmaður sem lenti í bílveltu við Deildará, rétt sunnan við Raufarhöfn er talinn mikið slasaður. Hann er nú í sjúkraflugi á leið til Reykjavíkur.

Enn er ekki vitað nákvæmlega hvernig slysið átti sér stað. Maðurinn var einn í fólksbíl á leið eftir beinum vegi. Bíllinn lenti út af veginum og tók í leiðinni nokkrar veltur. Lögreglan á Húsavík er sem stendur að rannsaka slysstaðinn.

Sjúkraflutningamenn á Raufarhöfn voru komnir á staðinn mjög fljótt eftir að tilkynning barst um slysið.

Lögregluembættið við Raufarhöfn var hins vegar lagt niður fyrr á þessu ári. Því heyrir svæðið undir lögregluna á Húsavík. Þar með höfðu lögreglumenn um 130 km veg að fara þegar tilkynningin barst um slysið.

Undir venjulegum kringumstæðum er Lögreglan á Húsavík með menn á vakt á Þórshöfn. Nú hittist svo óheppilega á að fulltrúarnir á Þórshöfn eru báðir í starfsleyfi og lögreglunni hefur ekki tekist að manna embættið. Hefðu menn verið á vakt á þar hefðu aðeins verið 68 km á slysstaðinn.